Den Breivikske Blog

Comeback kid

2010-02-12T08:00:00.001+01:00

Etter tre år kjem det no for fyrste gong eit innlegg på denne bloggen. Me gjer eit forsøk og ser om det held betre denne gongen.

Vår snart eller??

2007-02-24T21:39:00.000+01:00

Jaja..

Ei veke av eksternpraksis over.. Oppsummering finn du på http://journalistpraksis.blogspot.com/, der mange av oss sisteårsjournalistikkstudentane (bra longt ord?) skriv om litt ymse.

Dette går jo heilt OK, berre sju veker igjen. I dag har eg til og med hatt vårstemning, så då kan det vel ikkje vere så gale.

Verda, ein gal plass...

2007-02-19T23:09:00.000+01:00

På veg ut i verda.

Praksis i Ålesund.

Skummelt.

Korleis i all verda skal dette ende?

Satsar på det fører til meir oppdatering her om ikkje anna...

Prestisjefylt jobb?

2006-08-05T10:54:00.000+02:00

Tittel på VG Nett:

FNs spesialutsending til VG Nett:
Vil ha slutt på mandag

Det må vel vere ein ettertrakta jobb i FN?

Vellukka festival

2006-07-17T20:53:00.000+02:00

Ein god festival i år. Tre festivalar, stadig stigande publikumstal.

les på Skjemtegauk.no for å sjå meir om festivalen, og for oppdateringar på kva som kjem seinare.

Tilbake, sterkare enn nokon gong..

2006-07-17T20:46:00.000+02:00

DÅ får me setje i gang med blogging igjen..

Litt mindre å gjer dei komande vekene, så her blir det oppdateringar framover.. Ei stund iallefall..

Hallo? Kødda du?

2006-04-23T00:18:00.000+02:00

E det muli? Korleis kan noken ta han seriøst?

Les meir

Det går så vidt.. kvar gong

2006-03-22T17:54:00.000+01:00

Stod på endå ein eksamen...

Nære på denne gongen også...

At det går an...

pengar på bok...

2006-03-17T23:24:00.000+01:00

Snart, håper eg.

jrnybil.blogspot.com

Den nye kjelda til rikdom..

Here goes nothing...

reklame...

2006-02-03T12:58:00.000+01:00

frå og med idag, til neste sundag, kan du høyre
VEKERADIOEN 06
på studentradioen.net, eller frå lenke på veka.no..

Spanande ser du..

Det var dagens reklame..

ignoransen lenge leve...

2006-02-03T12:51:00.000+01:00

Av og til vert eg rett og slett litt irritert...
I nett-intervjuet med Ottar Grepstad på dagbladet.no dukka det opp så mange uintelligente spørsmål (farleg for ein journalist-student å seie, men..) I allefall.. Vert ein smule irritert når eg les ting som døma under viser:

"Bokmål og nynorsk er to forskjellige skriftspråk! Hos en vanlig mann i gata er nynorsk mer lik svensk enn norsk"
Jaaaa, akkurat ja...

" hva faen er problemet ditt ? du har komplekser, kid! nynorsk bør være bannlyst fra hvert et hjem i det norske land."
Hmm... Kjekt dei har saklege spørsmål..

"25 % av gutten har svært dårlige lese- og skriverferdigheter. Det er bare de ressusterke som har nyttet av å lære flere språk. [.....] Hvofor skal nynorskfolk ha rett til å påføre store deler av elevene ødelggende merarbeide."
Njaa, dårleg argument, sjølv om det kan sjå ut som denne personen veit kva han snakkar om..
legg merke til dei utheva orda...

"Hvorfor er det bare rare, gamle menn, latterlig snodige ungdommer og damer med sure hengepupper og haar paa overleppa som kjemper for nynorsken?
Hvorfor ikke tvinge paa oss samisk? Da hadde vi tatt vare pa noe ekte kultur da!"
som om det ikkje ville vore ekstraarbeid å skulle lære samisk...

jeje.. for all del.. nok å irritere seg for på ein dag...
attende til seinfeld..

reklame-geni

2006-02-01T21:45:00.000+01:00

vore stilt lenge her no..
Så tenkte rett og slett eg skulle legge ut den beste stillingsannonseteksten eg har sett.

"Har du lyst til å lage internblad for Skatteetaten?"

Kven har vel ikkje lyst til det????

Fantastiske ting fins på dei fleste nettsider. Denne stod på journalisten.no.....

Har fått kjeft, og kjem til å oppdatere LITT oftare heretter...

Håper alle har hatt ein fin januar..

Og eit godt nytt år...

2005-12-31T20:03:00.000+01:00

Tenkte eg kunne ynskje godt år med fylgjande ting eg gler meg til i det nye året.

- Heimelaga brød med brunost og sylte
- Mamma (evt Lisa) sin heimelaga pizza
- Julemiddag neste fredag
- Sleppe å dele rom
- Ha eige bad i Volda, samt høve til å lage middag sjølv kvar dag..
- Praksis (ha, yeah right..)
- Lese Grandiosaland, som eg enno ikkje har fått sett.
- Skjemtegauk-festivalen 06, mest truleg i juni.
- Kunne slappe av med vorspiel, istadenfor amerikanske festmetodar.

I det heile tatt. 2006 blir eit godt år.

Takk for det gamle.
Lukke til med det nye.

hahahahaha

2005-12-20T05:26:00.000+01:00

Utruleg, men sant.. Det gjekk bra dette semesteret ogsaa...
Om ikkje karakterane paa Champlain si heimeside er feil, saa har eg faktisk faatt det til betre enn eg trudde var mogleg..

A, A, A, A-, og ja, du gjetta det... A

Koseleg aa vite foer jul...

Til alle mine faste lesarar.. (Hihi, det var vel snevraste helsing i verda.. )

I alle fall.. Dersom du av ein merkeleg grunn dett innom her..

God Jul!!!

FilmHjørnet

2005-12-12T06:37:00.000+01:00

Har endeleg vorte skudd over kanten. Her kom motivasjonen som måtte til, og FilmHjørnet er ein realitet. Filmar vil verte lagde ut etter kvart som det passar seg slik, så får me sjå kor lenge det held denne gongen.

Fyl lenka i høgre kolonne for å kome til FilmHjørnet.

advent..

2005-12-11T02:18:00.000+01:00

Jula er nærare enn nokon gong. Iallefall den komande jula..
Neste veke er det to eksamenar tysdag, ein onsdag og to torsdag, før det er juleferie.
Deretter går turen til Castile, New York, der eg skal tilbringe jula i år.
4. januar går turen heim til gamlelandet, der skulen byrjar om lag i det eg set meg på flyet.
Hybel er skaffa på Myrane, så det blir nok artig.
Skal prøve å skrive litt meir her fram mot jul.
Har nokon julemusikk er det berre å sende det til meg... Mangelvare på min PC..

Ha ein flott desember, folkens.

Hmmm

2005-11-11T19:13:00.000+01:00

Arbeidslyst, kom treng deg på, her skal du motstand finne...
Har verkeleg ikkje hatt motivasjon til å gjere nokon ting siste tida, og det ber vel også denne sida preg av. Skal prøve å oppdatere ein del neste veke.

No har i det minste fleire bilete dukka opp på nett. Dei kan du finne under lenker til høgre på sida.

Vidare kan me forresten anbefale alle med interesse i journalistikk og den slags rot å vitje Jane eller Heidi sin blogg, der dei driv med slikt seriøst opplegg....

2005-10-15T20:19:00.000+02:00

Les nedunder, og sjå lenka som ligg her.
Dagbladet skreiv nemleg om same fenomenet, berre etter den Breivikske Blog dekte det.. Hihihi

Imponert

2005-10-15T03:24:00.000+02:00

At folk flest er lettlurte har me vel funne ut, men siste tida har eg verkeleg byrja lure.

Ein mail går rundt på internett.
"1. november må du betale for MSN."

Javel. Syns eg ser det.

"Dersom du sender denne mailen vidare slepp du betale."

Ja.. Mhm.. Prøv det.

Dermed har eg altså fått 4 mailar om dette, og ingen på MSN har ennå fått den lova blå mannen.

I mailen står det også at du kan lese meir om dette på msn.com.

Tydelegvis ikkje mange som las den setninga, for der står inkje.

Avisene i Noreg skriv saker dersom MSN ligg nede i 1 time.

Trur ikkje folk det ville stått i avisene om dette byrja koste pengar?

Kjeldekritikk folkens.

Kjeldekritikk...

Memo frå Oven

2005-10-07T00:45:00.000+02:00

To: People of Earth
From: God
Date: 11/17/2004
Subject: Stop

Knock it off, all of you

Seriously, what the hell

-- God

e d mulig?

2005-10-05T09:21:00.000+02:00

Trudde lenge det ikkje var mogleg.
Men det er det altså
Spelte fotball igår.
Med amerikanarar.
Vil ikkje anbefale det.
Absolutt ikkje.
Dei spelar som om dei aldri har sett ein ball før.
Går heile tida etter føtene.

Men her kom det altså ein kar.
Eg var på veg mot ballen.
Denne karen dreg føtene mine, etter eg har fått vekk ballen, mot mi fartsretning.
Resultatet er ein ung Breivik, i fritt fall.
Med beina bakover.
Med hovudet frametter.
Med armane longs sida.
Landa fyrst med nasa, sidan hovudet styrta fyrst.
Deretter magen, sidan den er lengst framme.
Deretter brystkassa, sidan lungene er dei verste å slå lufta ut or.
Deretter lår, kne, fotballsko.

Fantastisk.
Der ligg me på golvet.
Betonggolv
Med sand på.
Nasa full av sand.
Panna full av sand.
Brystkassa full av sand.
Åge Andre full av sand.

Men artig lell...
Framleis ubesigra.
2-1 mot grøne laget.

Jauda...
det går an, og det gjer ikkje godt...

Favorittus urbanus...

2005-10-03T05:41:00.000+02:00

Lr noke sant..
Montreal er no min favorittby.
Iallefall høgt på lista.
Makan til by har eg iallefall ikkje sett på denne sida av dammen..
På uteplass i 43. og 44. etasje.
Spasertur i gamlebyen.
Største kjøpesenter eg har gått meg vill i.

Fantastisk.
Skal absolutt attende dit..

Bilete vil verte lagt ut så fort det er råd.

Tour de Canada

2005-09-30T18:45:00.000+02:00

Då var det på tide med del to av tour de Canada.
I helga skal me på tur med International Club her på skulen.
Målet er Montreal, og med godt mot set me kursen nordover.
Får berre håpe alle kjem over grensa, både eine og andre vegen.
Blir godt å kome vekk frå huset her ei stund.

Oppdatering og bilder kjem over helga.

Den Breivikske Bildesamlinga

2005-09-26T22:40:00.000+02:00

Den Breivikske Bildesamlinga er no på verdsveven.

Trykk deg inn på lenka under, eller på sida her, så finn du samlinga.

www.breivik.photosite.com

Lost in Desperation

2005-09-22T18:26:00.000+02:00

Ein av dei unge mennene i huset her kjøpte for eit par veker sidan "Lost: Season 1" på DVD. Med 2/3 av huset sitande i fellesromet kvar episode vart det fort vanedannande, og underteikna er no hekta.

Onsdag kveld var det premiere på sesong 2.

For dei heime i Noreg som gler seg til sesongen kjem i gong der i oktober kan me berre seie ein ting.

Fantastisk.
Spanande.
Uoppklarande.
Forvirrande.
Meget bra.

Gler meg til neste veke.

Whitewater Rafting..

2005-09-21T18:38:00.000+02:00

Canada var landet, Quebec delstaten, og regn den øydeleggande faktoren.

Var på tur i helga. 55 studentar i buss, gjennom passkontroll, og inn i regnet i Canada.

Paintball i masker som dogga berre du såg på dei, skyting i skogen utan å vite kva du skaut på.

Kom attende til teltet der dei tørre kleda skulle ligge, berre for å finne ut at amerikanske telt er mindre vasstette enn eit norsk dørslag.

Alle kleda våte etter berre få timar, og med 36 timar att til heimreise. Dette lukta lungebetennelse lang veg.

Heldigvis regna det ikkje så mykje om natta, så me kom oss gjennom den utan varige men.

Då sundagen kom, og raftinga stod for tur var det sol. I våtdrakter som fekk oss til å sjå ut som froskar som går på to bein sette me utfor i ein bekk av ei elv.

Lite vatn grunna somaren gjorde at det ikkje vart så skummelt som det fort kunne vore.

4 timar i elva, 21 grader celsius i vatnet, og to leggar blå som ein sydlansk himmel seinare var det tid for å setje seg på bussen og reise sørover til dei sameinte statane.

Kaldt, vått, men fantastisk artigt.

Fornærma?

2005-09-16T02:16:00.000+02:00

Haurde det som kanskje er det mest fornærmande eg nokon gong har høyrt her om dagen. Me skulle ut, alle dreiv å pynta seg, og inn i fellesarealet kom ei av dei søtaste i bygget her. To stykk i sofaen reagerer umiddelbart:

"Wow, sjå kor søt ho vart med håret slik då!"
"Ja ikkje sant? Eg kjente ho nesten ikkje att!"

Nokre ting er det betre å tenke enn å seie...

Politikk, schmolitikk....

2005-09-12T14:15:00.000+02:00

Stod opp før fugl skeit på jord idag. Skulle vere med på radio. Demostasjon. Prosjektet eg var med på i vår. Valradioen laga av Volda-studentar.

"Mykje av fokuset var då på å testa ut teknikk og sjølve formatet. Denne gongen skal me konsentrera oss meir om innhaldet..." står det på heimesida, om prosjektet i vår i forhold til no.

Men ikkje all fokus på teknikk burde vore kutta ut. Det er viktig å ha med det og i radio.

At teknikken braut mi deltaking kan likevel sjå ut til å vere ei velsigning.

Det deltakarane dei har fått med hadde å seie var mykje meir enn eg nokon gong kunne greidd å få ut.

Godt jobba Demostasjon.

Gå innom i løpet av dagen og høyr sendinga.

Frisk som ein fisk!

2005-09-12T01:54:00.000+02:00

Tre veker til endes med hamburgerar, pizza, chicken patties, pastarettar, smørbrød, cookies, kake, egg, bacon, pølse, pannekake, sirup.

Du kan faktisk kjenne blodårene tettar seg.

Fredag fekk me laks, grilla laks, med ris.

Aldri har fisk vore så godt.

Håper berre dei greier å få til det litt oftare..

Crash

2005-09-11T01:42:00.000+02:00

"Løs fortelling om livet som er nær ved å være pretensiøs. En film for rødvinsanalytikere."

Dette skriv nrk.no sin anmeldar om filmen Crash. Må seie eg ikkje er samd der.

Om eg får anbefale ein film som faktisk greidde å irritere meg, og faktisk knytte nevane i kinosalen, gå å sjå denne.

Sei gjerne frå om du er samd med nrk.no istaden....

Haurdt om utlendingar 2

2005-09-07T09:53:00.000+02:00

På fotballen tysdag kveld, i kø for å skrive på liste:

"I hear there's no foreigners this year"

"That's not true, I heard there are some"

"Well, they're not good at soccer, anyway"

Alltid artig å vere fluge på veggen....

Haurdt om nordmenn på Champlain...

2005-09-07T09:52:00.000+02:00

"There is a bunch of Norwegians walking around. They all have their hair spiked, and looking really cool."

- Vår orienteringsleiar, som tydelegvis ikkje visste eg var nordmann, og iallefall ikkje rekna meg blant dei kule med spika hår

Stovefotball

2005-09-07T09:48:00.000+02:00

Var på intramural soccer idag. For fyrste gong.

Skulle vere folk delt i fire lag, som spelte to kampar, fordelt på 45 minutt kvar.

I staden spelte me 7 mot 7, små baner, innandørs.

Kampane går frå 22.00 til 23.45.
Ei glimrande tid for trening.
Kvart lag hadde frå 15 til 17 spelarar.
Alle lag bytte spelarar kvart 3. minutt.
Me spelte på eit underlag som kan minne om det me har i gangen heime.
Berre litt hardare.
Med 14 mann på bana var det akkurat plass til å ta ei vending før nestemann trakka deg på tåa.

Vårt lag vann 2, og spelte ein uavgjort.

Me får vel gje det ein ny sjanse neste tysdag.

Partiforvirra

2005-09-07T09:45:00.000+02:00

Tok VG Nett sin test for å finne ut kva for parti som passar best for min del.

Må seie eg vart overraska over kva parti som passa mine kampsaker best.

Grønt lys fekk Sosialistisk Venstreparti og Senterpartiet, men på topp kom, ja det måtte vel berre vere det. Raud Valgallianse.

Og for dei som meiner eg verkar høgrevridd. Høgre fekk visst nok raudt lys.

Resten på lista fekk gult.

Kanskje like greit at eg ikkje stemte før eg reiste....

Hadde ikkje stemt heilt med VG si vurdering av meg..

Sing Star 80's

2005-09-02T04:10:00.000+02:00

No er 80-tals disken her.. Med klassikarane frå det falma tiåret samla er det berre å kjøpe.

99 luftballoons, poison, tainted love og we built this city må vel vere nok grunn til å kjøpe denne plata...

Gler meg til å vende attende til Noreg og SingStar-kulturen i Volda..

Straks igang!

2005-09-01T05:40:00.000+02:00

No er forelesningane i gang på Champlain College.
Veret er varmt og fuktig.
Svetta renn som regn frå ein sunnmørsk himmel, og breivik.blogspot.com er snart i full gang igjen.

Men i ventetida kan me ta med oss eit sitat frå Comedy Central i kveld:
"Pamela Anderson has screwed more musicians than Napster!"

Over dammen

2005-08-15T16:25:00.000+02:00

Etter aa ha sprunge til flyet i Oslo, sove heile vegen til NY, møtt forseinkingar paa Newark, (eit fly som for øvrig var i rute til 5 minutt før avgang) ete paa Taco Bell i Rochester, og kjaurdt ein time i veldig varmt ver, er Castile
førebels siste stopp paa Tour de USA 05.

Meir oppdateringar kjem seinare, naar min eigen PC er klar for internett.

E det virkelig verdt det?

2005-08-09T20:23:00.000+02:00

Tida er endeleg her.
Torsdag vender eg atter nasen mot landet over dammen, og det som me håper vert eit kanon-semester.

Men er det eigentleg verdt det?
Dette har me gått gjennom for å få reise:
- Manglande skjema frå USA for søknad til visum.
- 3 skjema om meg, mine interesser og mine kunnskapar om atomvåpen for å få visum.
- 1400 kroner for å få nevnte visum.
- 80000 kroner i skulepengar, bolig og mat.
- Ein plass mellom ti og tjue skjema til skulen i USA.
- Ørten interessante samtalar med internasjonale folk i Volda.
- Same tal på samtalar med ei kverulant lånekasse.
- Seine utbetalingar frå Lånekassa.
- 1600 kroner i reiseforsikring.
- 250 kroner til ANSA.
- 7500 for flybillett..

Oppdateringar frå opphaldet kjem undervegs. Herfrå kan det berre bli betre...

Fantastisk absurd!

2005-08-04T12:12:00.000+02:00

I ei sovnlaus natt, i ei full bokhylle, dukka den opp. Den nærmast lyste mot meg.

To dagar etter var fyrste del ferdig lest, er no på tredje bok.

Det er sjølvsagt snakk om den lengste trilogien i verda, "Haikerens Guide til Galaksen". Denne kultklassikaren, som no for øvrig er ute på kino, er kanskje det mest absurde lesestoff eg nokon gong har sett. Fleire gongar flirer eg høgt av dette herlige makkverket.

Douglas Adams skriv fantastisk morosamt, og den norske oversetjinga gjev også god trening til lattermusklane.

Vil med hjarte og høgre tommel anbefale denne bokserien til alle som ikkje ler nok i kvardagen.

Medan me er i bokhumør likevel, sjå gjerne innom eldre mann Breivik sitt bokhjørne.

No gler me oss til å sjå filmen om Arthur Dent og dei absurde sogene frå verdsrommet. Er den halvvegs så bra som boka er den allereie altfor bra..

Men så glimter dei til...

2005-07-25T22:46:00.000+02:00

Det er heldigvis ikkje alt som er like irriterande i journalistikken.

NRK P1 glimta til måndag ettermiddag.

Saka handla om Espen "Shampoo" Knutsen, tidenes beste ishockeyspelar, som no må legge opp grunne skade.
Landslagstrenar Roy Johansen sa han gjerne ville ha Shampoo si hjelp rundt landslaget i framtida.

Og kva var utannonseringa i studio?

Jau, kva anna enn:

"Så da blir det vel bruk for shampoo i garderoben heretter også."

Overdriving? Næææh...

2005-07-25T14:33:00.000+02:00

Men spanande må det vere...

Journalistar er ei merkeleg rase.

Bilbrann i Oslofjordtunnelen idag tidleg.

"6300 meter inne i tunnelen fra Drøbak", skreiv VG Nett.

Høyres veldig dramatisk ut.

Lenger nede på same side:
"Oslofjordtunnelen er 7,2 kilometer lang og går mellom Drøbak og Hurum. "

Ulukka skjedde med andre ord 900 meter frå Hurum-inngongen??

Live 8 Ulsteinvik

2005-07-02T05:35:00.000+02:00

Ja så har byen Ulsteinvik utmerka seg igjen.

På line med London, Philadelphia, Roma.

I London varte konserten 14 timar.
I Ulsteinvik greidde dei seg med 4.

Me ville heller vore 14 timar i London.

Me ville faktisk heller ligge 14 timar i kaldt vatn.

Me ville heller stått ute i regnet i 48 timar.

Men takk til Kaffibaren, og takk til Rodney's Dream Team, eller kva dei no vart kalla.

Takk for at ein fin laurdagskveld vart hakke betre....

Lr berre rett og slett som ein vanleg laurdagskveld på kaffibaren...

Vise ord!

2005-06-24T00:26:00.000+02:00

Eik før Ask blir plask.
Blomstrar eika før aska vert det med andre ord regn på sommaren.. Her på Sunnmøre trur ikkje eg me har Ask, for regnar gjer det heile tida..

Ikkje alle visdomsorda er like vise. Nokre er så sjølvsagte at me ikkje treng vise folk til å fortelje oss dei.

Høgdepunktet idag:
"Regnar det heile juni vert det ei våt jonsokaft"

Takk Gud for dei vise...

Endeleg sommar!

2005-06-20T22:34:00.000+02:00

Me hadde tre dagar med sol.
Me har no regn.
Me hadde varme.
Me har no pisslunka temperaturar.
Me hadde skraping på TVen.
Me har no PACIFIC BLUE!!

Den fantastiske serien som dukkar opp på TV2 med jamne mellomrom (les: kvar sommar).

Den er like bra som den alltid har vore, og den inspirerar oss stadig.

Stjel gjerne ein sykkel.
Sei gjerne du er frå politiet.
Vis ingen ID.
Men for all del.
HUGS Å OGSÅ STELE SYKKELHJELMEN!!!

Sommaren er komen, og med PB på skjermen kan det no berre regne utandørs.

Dei varme syklistane varmar oss tilstrekkeleg.

GOD SOMMAR!

Skjemtegauk mot 06

2005-06-12T16:06:00.000+02:00

Skjemtegauk-festivalen 2005 er over, og styret siktar mot 2006.

Publikumstal høgre enn 2004, og forhåpentlegvis lågare enn 06.

Les meir på www.skjemtegauk.no, og fyl med for neste års festival, og neste stand up-aften i Skjemtegauk-regi.

Skjemtegauk-festivalen

2005-06-10T13:33:00.000+02:00

05-festivalen er igong, med brask og bram vart det fyrste showet avvikla torsdag kveld klokka 22.00. Og i kveld er det klart for siste show.

Festivalen har gått veldig bra, og me håper den vert avslutta på same måten.

I kveld står Tore Haukenes, Siri Kristiansen og Geir Sindre Breivik på scena i kulturteltet i Ulsteinvik. Dukk opp og få med deg ein time med latter.

Kjendismagneten

2005-06-04T10:07:00.000+02:00

Andre folk går på kjendisjakt.
Unge lovande journaliststudentar går rundt i Tigerstaden som kjendismagnetar.

Fyrste dag i hovudstaden møtte eg fylgjande av vår kjendiselite:
Finn H. Andreassen
Tor Erling Staff
Frode Grodås

Creme de la Creme eller noko sånt?

Andre dagen var det mindre, men like fullt kjendisar, då dukka nemleg desse opp:
Stein Kåre Kristiansen
Tone Lise Skagefoss

Sistnemnde gjekk til og med over gata med oss..

Til Oslo må me nok fleire gongar ja...

Sommarferie hei, hei, sommarferie!

2005-05-28T17:59:00.000+02:00

Kjenne at sommarferien er komen no.

Tre teikn på at du på Sunnmøre veit at sommaren nærmar seg:

- Overskya 75% av døgeret
- Myggen kan plage livet av gråstein
- Sola står opp før du legg deg.

Nyt sommaren!

Viktig med mat..

2005-05-25T14:27:00.000+02:00

Det står stadig vekk i avisene om fangar som vert avretta i USA. Det er jo alltid like interessant lesestoff. Men ein ting som forundrar meg er at den siste setninga alltid er den same.

"Som siste måltid spiste...."

Er det det mest interessante rundt dødsstraffa i USA?

Tidlig ute..

2005-05-25T14:22:00.000+02:00

Har sett det i yo-filmar.
Har sett det i TV-seriar.

Men har aldri sett det i Western.

Dr Quinn bryt stadig grenser.

I dag vart ho utsett for drive by shooting.

I hestevogn....

Morgonstund 2

2005-05-24T12:25:00.000+02:00

Deilig å kunne stå opp i dag og vite at
EG TRENG IKKJE LESE!

For så å vente to sekund å kome på
Må vel ta oppatt eksamenen frå i går snart......

Idol mej i baken

2005-05-24T12:23:00.000+02:00

Det slo meg etter å ha sett Absolutt Underhaldning på TV2 igår.

Vårt fyrste Idol heitte Kurt.
Vårt andre heitte Kjartan.

Vår nye superstjerne, som truleg gjer stor internasjonal suksess (?) heiter
Jorun

Fantastisk...

Veret eller ikkje?

2005-05-24T01:49:00.000+02:00

Sunnmøre.
Regn.
Sol.
Regn.
Regn.
Regn.
Sol.
Regn.
Sol.
Regn.
Regn.
Sunnmøre.

Bra dikt?

For to timar sidan var det sol. Himmelen var klar. Det var varmt. Det var kanonver, rett og slett.

NO?
Regnet renn nedover vindauget, Notch Johnson signer av, og me gler oss til morgondagen.

I'm singing in the rain...

Eksamenstips!

2005-05-23T13:45:00.000+02:00

Tips til alle som skal ha eksamen no fram mot sumarstid.

Vent til det e heilt stille i salen.

Host ein gong!

Sjå kor mange andre som fylgjer etter...

Hadde nokre interessante observasjonar idag...

Morgonstund

2005-05-22T13:05:00.000+02:00

Ingenting er som å stå opp ein sundag morgon og vite at det er 22 timar til eksamen.

Thank heavens for kaffi....

European decline

2005-05-22T00:19:00.000+02:00

Europe has taken another step backward tonight. As the Eurovision Song Contest developed, it soon showed: The musical taste of the European citizens is not something to be proud of.

The winning song from Greece was a catastrophy, and we can do nothing but laugh.

And what is with the ESC and drums? I have never seen more drums in that short a time. What's next? The drumming was way more impressive than the vocals.

The swiss contestant Cool Vibes was the definite high light, except the Norwegian song, of course.

The Eurovision Song contest has been influenced by too many eastern European countries, and the competition will never be the same again.

Let's hope the tide changes in Athens next year.

Viva la Wig Wam.

Still In My Dreams....

Skjemtegauk-festivalen

2005-05-21T03:09:00.000+02:00

Klar for festival i sommar?
Den mest morosame helga på Sunnmøre er i år andre helga i juni. Torsdag 9. og fredag 10. juni kan du sjå nokre av dei mest morosame komikarane i Noreg i kulturteltet på Geileneset i Ulsteinvik.

Under Skjemtegauk-festivalen opptrer mellom andre Christer Torjussen, Tobben Tveit, Tore Haukenes, Siri Kristiansen, Nadia Gro Mathisen, Linda Mahala Mathiassen og Kyrre Solem Larsen.

For meir informasjon om festivalen, trykk på lenka til høgre.

Verda for våre føter!

2005-05-21T02:45:00.000+02:00

Med breivik.blogspot.com er me no klare for å ta over verda. Sjekk innom oss ein gong i blant for oppdateringar, og fyl også med på lenkene til høgre for meir nytt.

Velkomne med på leiken her på breivik.blogspot.com.

Mvh
Åge Andre Breivik
Diktator

Verdt kvar krone!

2005-05-21T02:07:00.000+02:00

Var fredag kveld på konsert med bandet Jack på studenthuset Rokken her i Volda. Konserten var gratis for alle som jobba med Veka 05 og Dokfilm. Og alle som møtte opp var vel samde om at konserten var verdt kvar krone.

Og kven er det forresten som har fortalt Solgunn Ivana Valstad at ho har fin rompe? Dama stod nemleg med baken mot publikum meir enn med fronten. Underleg oppleving.

Med sitt tredje nummer oppsummerte Jack rimeleg bra korleis dei kjem til å ende opp.
"I don't want to be a celebrity" ljoma det frå scena.

Ni fulle dagar

2005-05-08T03:05:00.000+02:00

Breivik Breier Seg
Ni fulle dagar

-FYLGJANDE STOD PÅ TRYKK I PEIKESTOKKEN, NR 3 2005.-

Veka 05 er over. Studenthuset Rokken skulle innviast, og Volda fekk si nye storstove. Men gjekk alt så bra som det skulle under jubileumet?

Under Veka var det mange ting som ikkje fungerte slik det skulle. Mellom anna er det tydelegvis veldig vanskelig å slå av lyset i kafeen på Rokken. Når betjeninga under jazz-konserten torsdag fekk spørsmål om det gjekk an å slå av lyset i kafeen, gjekk vedkomande ut av kafeen for å finne dette. Burde ikkje dei som jobbar på Rokken vite kvar lysbrytarane er?

Og pangopninga av Rokken. 500 studentar i festhumør med håp om eit smell denne fredagen, møtt med ei lokal dame med sørgelege songar. Ein fantastisk måte å opne det nye huset på. Og når nemnde artist til og med går på scena og kritiserar folk som kjøper berre pils og Grandiosa er det kanskje ikkje å vente at det går så bra med konsert for studentar.

Noko positivt gjorde likevel Veka 05. Mellom anna er det ei utruleg oppleving å høyre 500 studentar synge ”Puss, puss så får du en suss” rundt midnatt. Berre Trond-Viggo Torgersen kan få til det. Eller like mange studentar som ropar på ein lett sinnsforvirra kokk. Og ”kokken Tor” var ein av dei mest velkomne gjestane til Rokken i Veka.

Er ikkje trampeklapp eit tve-egga sverd for konsertarrangørane på Rokken? Stemninga fyk i taket med ein gong nokon sett i gang med taktfast klapping, men dei som skal tene inn desse konsertane må då drage seg i håret av slik åtferd? Klapping i takt = ingen drikke i hendene = lite pengar for arrangørane.

Mange av konsertane under Veka overraska. Magnet var den med mest ”data-lydar”, Annie var mellom dei mest rocka, og Ole Paus sang om Carl I. Hagen. Men noko var likevel som venta. Tyggegummipopens ukrona dronning heldt ein konsert som slutta før tyggisen mista smaken, Trond-Viggo, Big Bang og DeLillos drog fulle hus og allsang.

Studenthuset Rokken har likevel utbetringspotensiale etter ei kanonbra opningsveke. Handtørkarane på toalettet kan berre tilby laber bris til sine kundar. Eine trappa går rett i veggen, og miksebordet står veldig lett tilgjengeleg for dei som vil sabotere ein konsert med hjelp av eit øl- eller vassglas.

Veka 05 var ein suksess, mange seier det er beste dei har vore på. Men litt gjenstår. Under Trond-Viggo vart publikum fortalde at Rokken dreiv med prøving og feiling. Dei var gode på feiling. No gjenstår det å sjå om dei lærte frå sine feil.